Իրանի ատոմային էներգիայի կազմակերպության ղեկավար. Իրանը ծրագրում է վերականգնել միջուկային արդյունաբերությունը
Իրանը պլանավորում է վերականգնել իր միջուկային արդյունաբերությունը, հայտարարել է Իրանի Ատոմային էներգիայի կազմակերպության ղեկավար Մոհամմադ Էսլամին։
Ըստ Էսլամիի՝ Իրանն այժմ գնահատում է իր միջուկային արդյունաբերությանը հասցված վնասը և պատրաստվում է վերականգնմանը։
«Պլանի նպատակն է խուսափել արտադրության և սպասարկման խափանումներից», – ասել է Էսլամին։
Նախկինում մի շարք իրանցի պաշտոնյաներ հայտարարել են, որ երկրի միջուկային ծրագիրը հիմնված է միջուկային գիտելիքների վրա, որոնք չեն կարող ոչնչացվել։