«Ամերիկայի ռազմավարական հետաքրքրությունների մասին խոսելիս անհնար է, որ խաղաղության և կայունության նպատակները, այդ թվում՝ եվրոպական մայրցամաքում, հաշվի առնված չլինեն», – այս մասին հայտարարել է «Ազգային շարժման» անդամ Իրակլի Ֆավլենիշվիլին։

Ինչ վերաբերում է ՆԱՏՕ-ի ընդլայնման հարցին, Ֆավլենիշվիլիի խոսքով՝ ՆԱՏՕ-ի ընդլայնումը չի կարող լինել անվերջ, սակայն կա ակնկալիք, որ հնարավոր է՝ այժմյան փուլը լինի վերջին ալիքը կամ նախավերջինը։

«Եթե Ռուսաստանի հետ կայուն հարաբերություններ չհաստատվեն և նրա կայսերական հավակնությունները չզսպվեն, անհնար կլինի խաղաղություն և կայունություն ապահովել նույնիսկ Արևելյան Եվրոպայում։ Եվրոպայի մայրցամաքում կա անընդմեջ խաղաղություն, և միակ երկիրը, որ խախտել է այդ խաղաղությունը, Ռուսաստանն է, որը Եվրոպայի տարածքում՝ Ուկրաինայում, իրականացրել է բարբարոսական ագրեսիա։

Ինչ վերաբերում է ՆԱՏՕ-ի ընդլայնմանը, բնականաբար, ՆԱՏՕ-ի ընդլայնումը մշտական լինել չի կարող, բայց կա ակնկալիք, որ սա կարող է լինել վերջին կամ նախավերջին ալիքը, այս կանխատեսումը շատ բարդ է։ Վերջիվերջո, ասել, թե ՆԱՏՕ-ն մշտապես ընդլայնվելու է, անհնար է, սակայն արդյոք սա կլինի վերջին ալիքը, թե՝ ոչ, գնահատելը շատ դժվար է», – հայտարարել է Իրակլի Ֆավլենիշվիլին։

Հիշեցնենք, որ ԱՄՆ ազգային անվտանգության 2025 թվականի ռազմավարության մեջ Եվրոպայում ԱՄՆ առաջնահերթություններից մեկը նշվում է որպես «ՆԱՏՕ-ն որպես անվերջ ընդլայնվող դաշինք ընկալելու ավարտ»։