Մեր վերաբերմունքը մի քանի ընդդիմադիր կուսակցությունների դաշինքի նկատմամբ շատ պարզ է, մենք բոլոր ընդդիմադիր նախագծերին հաջողություն ենք մաղթում, սա միանշանակ դիրքորոշում է,- ասաց «Լելո – Ուժեղ Վրաստան» կուսակցության անդամ Իրակլի Կուպրաձեն։

Ըստ Կուպրաձեի, «Լելոն» որոշել է զարգանալ ինքնուրույն, և այս որոշումը միաձայն կայացրել է Քաղաքական խորհուրդը։

«Դիրքորոշումը միանշանակ է և անփոփոխ. «Լելոն» շարունակում է զարգանալ ինքնուրույն, օրվա վերջում մենք կամփոփենք բոլոր կարևոր քաղաքական հարցերը՝ սա մեր վերաբերմունքն է գործընթացների նկատմամբ։ Մենք մաղթում ենք բոլոր ընդդիմադիր նախագծերին հաջողություն, բայց մեզ հետաքրքրում է միայն այն միասնությունը, որը կլինի օրգանական և բնական «Լելոյի» համար։ Նրանց քննադատելը և նրանց ունեցած խնդիրների մասին խոսելը ո՛չ իմ ցանկությունն է, ո՛չ էլ իմ հետաքրքրությունը։

Պարզ փաստ է, մենք փնտրում ենք այլ բնական գործընկերներ, որոնք մոտ են մեր ռազմավարական գծերին և մեր ընտրողների բնույթին կամ ցանկությանը», – նշել է Իրակլի Կուպրաձեն։

Հարցին, թե «Ի՞նչ գծեր ունեն դաշինքի անդամ կուսակցությունները, որոնք անընդունելի են ձեզ համար», Կուպրաձեն լրագրողներին պատասխանել է, որ նրանք պետք է հարցնեն ընդդիմադիր դաշինքի անդամ կուսակցություններին։