Իրակլի Կոբախիձեն հայտարարում է, որ քաղաքական կուսակցությունների միջև բանակցությունների վերջին փուլը տեղի կունենա վաղը
«Վրացական երազանք» կուսակցության գործադիր քարտուղար Իրակլի Կոբախիձեի փոխանցմամբ, քաղաքական կողմերի միջև վաղը կկայանա բանակցությունների վերջին փուլը, քանի որ դեկտեմբերի 11-ին տասներորդ գումարման խորհրդարանի առաջն նիստն է:
Ինչպես հայտարարել է այսօր անցկացված մամլո ասուլիսին Կոբախիձեն, բավականին հետաքրքիր քննարկումներ են անցկացվել ընտրական բարեփոխման վերաբերյալ, էապես համաձայնեցված էր և հույս կա, որ վերջնական դիրքորոշումներ կլինեն ընտրական բարեփոխման վերաբերյալ:
«Մանրամասների մասին չենք կարող խոսել, քանի որ սա պայման է, որը խոստացել ենք դեսպաններին: Կարող եմ միայն ասել, որ խոսքը վերաբերում է հիմնարար փոփոխություններին երկու ուղղությամբ – ընտրությունների վարչարարություն և ընտրական համակարգի տարբեր հարցեր: Բոլոր ուղղություններով ընդդիմությանը ներկայացվել են հիմնարար փոփոխություններ: Հուսանք, բանակցությունները հաջողությամբ կավարտվեն»,- հայտարարել է Կոբախիձեն: