Վրաստանի վարչապետ Իրակլի Կոբախիձեն հանդիպել է ԵԱՀԿ խորհրդարանական վեհաժողովի (ԵԱՀԿ ԽՎ) նախագահ Պերե Ժոան Պոնս Սամպիետրոյի հետ։

Վրաստանի վարչապետի մամուլի ծառայության հաղորդմամբ՝ կողմերը քննարկել են Վրաստանի և ԵԱՀԿ-ի միջև երկկողմ համագործակցության օրակարգը։

Ինչպես նշել է Իրակլի Կոբախիձեն, Վրաստանը գնահատում է ԵԱՀԿ-ի կարևոր դերը, այդ թվում՝ հակամարտությունների հետ կապված հարցերում։

Հանդիպման ընթացքում քննարկվել են երկրում ընթացող քաղաքական գործընթացները, իրականացված օրենսդրական փոփոխությունները և ժողովրդավարական պետությունում օրենքի գերակայության պահպանման անհրաժեշտությունը։

Կառավարության աշխատակազմում կայացած հանդիպմանը մասնակցել են արտաքին գործերի նախարար Մակա Բոչորիշվիլին, կառավարության աշխատակազմի ղեկավար Լևան Ժորժոլիանին և խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն։