Իրակլի Կոբախիձեն հանդիպել է Սինգապուրի խորհրդարանի խոսնակին
Վրաստանի վարչապետ Իրակլի Կոբախիձեն հանդիպել է Սինգապուրի խորհրդարանի խոսնակ Սիա Կիան Փենգի հետ:
Վրաստանի կառավարության աշխատակազմի տեղեկացմամբ՝ Կոբախիձեն շնորհակալություն է հայտնել Սինգապուրի խորհրդարանի խոսնակին վրացական պատվիրակությանը հյուրընկալելու համար և ընդգծել երկու երկրների միջև տարբեր ոլորտներում առկա բազմամյա գործընկերությունը:
Նրանց փոխանցմամբ՝ նշվել է Վրաստանի և Սինգապուրի օրենսդիր մարմինների ակտիվ համագործակցությունը և միջխորհրդարանական հարաբերությունների զարգացման դրական դինամիկան:
«Ուշադրություն է դարձվել քաղաքական երկխոսության էլ ավելի ակտիվացման և ոլորտային կապերի հետագա խորացման կարևորությանը: Հանդիպմանը նաև ընդգծվել է միջազգային կազմակերպությունների շրջանակներում կառուցողական համագործակցությունը», – նշված է Վրաստանի կառավարության աշխատակազմի տեղեկատվության մեջ:
Վարչապետը հուշագրություն է թողել Սինգապուրի խորհրդարանի պատվավոր հյուրերի գրքում: