Իրակլի Կոբախիձեն հանդիպել է իրավաբանական օգնության ծառայության նորանշանակ տնօրենի հետ
Վրաստանի վարչապետ Իրակլի Կոբախիձեն հանդիպել է Իրավաբանական օգնության ծառայության նորանշանակ տնօրեն Օթար Չախունաշվիլիի հետ։
Վրաստանի կառավարության հաղորդագրության համաձայն, Իրակլի Կոբախիձեն շնորհավորել է ծառայության նոր ղեկավարին նշանակման կապակցությամբ և մաղթել հաջողություններ։
Օթար Չախունաշվիլին վարչապետին մանրամասն տեղեկատվություն է տրամադրել ծառայության հիմնական ուղղությունների և առաջնահերթությունների մասին։
«Իրավաբանական օգնության ծառայությունը քաղաքացիներին հնարավորություն է տալիս օգտվել անվճար իրավաբանական օգնությունից։
Օթար Չախունաշվիլին ծառայության տնօրեն է նշանակվել վարչապետի մայիսի 1-ի հրամանագրով։ Նա ունի պետական հատվածում աշխատանքի երկարամյա փորձ։ Տարբեր ժամանակներում Օթար Չախունաշվիլին եղել է անձնական տվյալների պաշտպանության ծառայության ղեկավարի առաջին տեղակալ, Արդարադատության տան գործադիր տնօրեն, Պաշտպանության նախարարության բարեփոխումների համակարգման և մոնիթորինգի վարչության պետ, ինչպես նաև ղեկավարել է պետական տեսչության պետական և մասնավոր հատվածների վերահսկողության վարչությունը։ Օթար Չախունաշվիլին իրավաբանական գիտությունների դոկտոր է», – ասվում է Վրաստանի կառավարության տեղեկատվության մեջ։