Իրակլի Կոբախիձեն հանդիպել է Ֆրանսիայի նորանշանակ դեսպան Օլիվիե Կուրտոյի հետ
Վրաստանի վարչապետ Իրակլի Կոբախիձեն հանդիպել է Վրաստանում Ֆրանսիայի նորանշանակ դեսպան Օլիվիե Կուրտոյի հետ։ Տեղեկատվությունը տարածել է կառավարության վարչակազմը։
Գերատեսչության հաղորդմամբ, վարչապետը շնորհավորել է դեսպանին Վրաստանում դիվանագիտական առաքելությունը սկսելու կապակցությամբ և հույս հայտնել, որ նրա գործունեությունը կնպաստի Վրաստանի և Ֆրանսիայի միջև հարաբերությունների զարգացմանը և տարբեր ոլորտներում համագործակցության խորացմանը։
Հանդիպման ընթացքում քննարկվել են նաև երկկողմ և բազմակողմ ձևաչափերով գործընկերային հարաբերությունները։