Վրաստանի վարչապետ Իրակլի Կոբախիձեն լրագրողներին ասել է, որ որոշակի եվրոպացի բյուրոկրատներ ուղղակիորեն հայտարարում են, որ պլանավորում են մեխանիզմներ գտնել Վրաստանում գործող օրենսդրությունը շրջանցելու և անուղղակիորեն քաղաքական գործունեությունը ֆինանսավորելու համար։

Կառավարության ղեկավարի խոսքով՝ սա հակասում է Վրաստանի խորհրդարանի կողմից ընդունվող օրենքների նախագծերի փաթեթին։

«Սա շատ կարևոր նախաձեռնություն է, և այս ուղղությամբ աշխատանքը պետք է շարունակվի։ Ինչ վերաբերում է սահմանադրական կարգի չճանաչմանը, ապա դա նույնպես ուղղակիորեն կապված է մեր ազգային շահերի, Սահմանադրությունը պաշտպանելու շահերի հետ։ Կան 5 պետություններ, որոնք չեն ճանաչում մեր կառավարության իրավասությունը Վրաստանի տարածքների 20%-ի նկատմամբ, և երկրի ներսում կան ուժեր, դրանք նույնպես դրսից հրահրված և դրսից համակարգված ուժեր են, որոնք չեն ճանաչում Վրաստանի կառավարության իրավասությունը երկրի տարածքի ոչ թե 20%-ի, այլ 100%-ի նկատմամբ։ Իհարկե, սա ազգային մարտահրավեր է, որը պետք է դիմագրավվի օրենսդրությամբ, և շատ կարևոր է, որ խորհրդարանը պլանավորի համապատասխան օրենքի ընդունումը», – ասել է Կոբախիձեն։