Իրակլի Կոբախիձե. Վրաստանը հավատարիմ է մնում եվրոպական ինտեգրմանը, սակայն մենք այդ ուղով գնում ենք արժանապատվորեն. հույս ունենք, որ Եվրոպան կվերականգնի իր ինքնիշխանությունն ու ինքնությունը նախքան Վրաստանի՝ Եվրամիության անդամ դառնալը
Դարերի ընթացքում մեր հավատքը ձևավորել է մեր արժեքները, մշակույթն ու բարոյական տեսլականը. հավատքն ուժի աղբյուր և ուղեցույց է եղել սերունդների համար, ինչն օգնել է մեր ազգին հաղթահարել մարտահրավերները և պահպանել սեփական ինքնությունը պատմության բարդ ժամանակաշրջաններում, — այս մասին Բուդապեշտում՝ Պահպանողական քաղաքական գործողությունների համաժողովի (CPAC) ժամանակ իր ելույթում հայտարարել է Վրաստանի վարչապետ Իրակլի Կոբախիձեն:
Ինչպես նշել է Իրակլի Կոբախիձեն, քրիստոնեությունը Վրաստանի պատմության անբաժանելի մասն է։
«Քրիստոնեությունը Վրաստանի պատմության անբաժանելի մասն է, և այս տարի մենք նշում ենք այն որպես պետական կրոն հռչակելու 1700-ամյակը՝ մի բեկումնային պահ, որը սահմանեց մեր ազգի հոգևոր և մշակութային զարգացումը: Դարերի ընթացքում մեր հավատքը ձևավորել է մեր արժեքները, մշակույթն ու բարոյական տեսլականը: Հավատքն ուժի աղբյուր և ուղեցույց է եղել սերունդների համար, ինչն օգնել է մեր ազգին հաղթահարել մարտահրավերները և պահպանել սեփական ինքնությունը պատմության բարդ ժամանակաշրջաններում:
Քրիստոնեական մշակութային հիմքը շարունակում է մնալ մեր հասարակության ինքնության առանցքային մասը: Պատմության ընթացքում մեր նախնիները Եվրոպան ընկալել են որպես մի տարածք, որտեղ նրանց քրիստոնեական ինքնությունը պաշտպանված կլիներ: Հետևաբար, Վրաստանը հավատարիմ է մնում եվրոպական ինտեգրման ճանապարհին, սակայն մենք այդ ուղով գնում ենք արժանապատվորեն՝ մեր ժառանգության, հավատքի, անկախության և ինքնիշխանության լիակատար հարգանքով, ինչն ինքնին բարդագույն խնդիր է:
Անկեղծորեն հույս ունենք, որ Եվրոպան կվերականգնի իր ինքնիշխանությունը, քրիստոնեական ինքնությունը և տնտեսական հզորությունը նախքան Վրաստանի՝ Եվրամիության անդամ դառնալը», — հայտարարել է Իրակլի Կոբախիձեն:
