Սկզբում թող ընդդիմությունը քայլեր ձեռնարկի ապաբևեռացման ուղղությամբ, իսկ հետո մենք կարող ենք քննարկել համապատասխան հարցերը,- ասել է «Վրացական երազանք»-ի նախագահ Իրակլի Կոբախիձեն։

Կոբախիձեն մեկնաբանել է «Քաղաքացիներ» կուսակցության ներկայացուցիչ, ընդդիմադիր պատգամավոր Լևան Իոսելիանիի առաջարկը՝ բևեռացման ավարտի վերաբերյալ։ Իոսելիանիի խոսքով՝ իրենք պետք է ավարտին հասցնեն սահմանադրական բարեփոխումները, որոնք նախատեսում են 2 տոկոսի շեմ՝ ամբողջությամբ համամասնական ընտրակարգով հանդերձ։

«Ընդհակառակը, նախ պետք է տեղի ունենա ապաբևեռացում, իսկ հետո պետք է դիտարկել հարցեր, որոնք ուղղակիորեն կապված են բեւեռացման աստիճանի հետ: Սկզբում թող ընդդիմությունը քայլեր ձեռնարկի ապաբևեռացման ուղղությամբ, ապա մենք կարող ենք քննարկել համապատասխան հարցերը։ Ինչ վերաբերում է սահմանադրության մեջ ընտրական փոփոխությանը, ապա դա կապ չունի ԵՄ թեկնածության հետ։ Այս հարցի հետ կապված է ապաբևեռացումը։ Նախ թող քայլեր ձեռնարկեն ապաբևեռացման ուղղությամբ, իսկ հետո մենք կարող ենք դիտարկել ցանկացած նախաձեռնություն»,- ասել է Իրակլի Կոբախիձեն։