Մեր արտաքին քաղաքականության հիմնական առաջնահերթություններից է ԱՄՆ-ի հետ հարաբերությունների վերսկսումը, ինչի համար մենք կանենք ամեն ինչ,- ասել է Վրաստանի վարչապետ Իրակլի Կոբախիձեն՝ ելույթ ունենալով դեսպանների համաժողովի փակման միջոցառման ժամանակ։

Ինչպես նշել է կառավարության ղեկավարը, կա բացարձակ բացություն, հարաբերությունները վերսկսելու պատրաստակամություն։

«Մեր արտաքին քաղաքականության հիմնական առաջնահերթություններից է ԱՄՆ-ի հետ հարաբերությունների վերսկսումը, ինչի համար մենք կանենք ամեն ինչ։ Այս կապակցությամբ կառավարության նիստում ես հանդես եմ եկել արտահերթ հայտարարությամբ։ Մեր նպատակն է վերսկսել հարաբերությունները ԱՄՆ-ի հետ մաքուր թերթիկից, թարմացնել ռազմավարական գործընկերությունը, և դա անել կոնկրետ ուղեցույցով. ուղեցույց, որտեղ կարտացոլվեն կոնկրետ շոշափելի արդյունքներ: Մեր կողմից դրա համար բացարձակ բացություն և պատրաստակամություն կա, և մենք հուսով ենք, որ նոր վարչակազմի պայմաններում մենք կտեսնենք համապատասխան քայլեր»,- ասել է Իրակլի Կոբախիձեն։