«Այսօր մենք կարող էինք Թբիլիսիի քաղաքապետի թեկնածու առաջադրել պարզապես լավ քաղաքական գործչի, պարզապես լավ ղեկավարի կամ պարզապես լավ հայրենասերի, սակայն այսօր մենք ձեզ ներկայացնում ենք իսկական չեմպիոնի՝ չեմպիոնի այս բառի ուղիղ և փոխաբերական իմաստով», – հայտարարել է «Վրացական երազանք» կուսակցության նախագահը և Վրաստանի վարչապետ Իրակլի Կոբախիձեն «Վրացական երազանքի» ընտրական քարոզարշավի մեկնարկի միջոցառման ընթացքում ունեցած ելույթում։

Կոբախիձեի խոսքով՝ իշխանության թեկնածուն այն մարդն է, ով Վրաստանին նվիրել է ամենաբարձր կարգի հաղթանակներ։

Նրա խոսքով՝ Կախա Կալաձեն կարող է Թբիլիսիի յուրաքանչյուր թաղամասի համար ապահովել ավելի մեծ զարգացում, բարեկարգում և գեղեցկացում, ինչը անհրաժեշտ է յուրաքանչյուր թբիլիսցու։

«Մեր թեկնածուն այն մարդն է, ով Վրաստանին նվիրել է ամենաբարձր կարգի հաղթանակներ։ Մեր թեկնածուն քաղաքականության, կառավարման և հայրենասիրության չեմպիոն է։ Նա չեմպիոն է ընտանիքում, չեմպիոն ընկեր և չեմպիոն մարտական ուղեկից։

Ավելի շատ կյանք Թբիլիսիին, ավելի շատ կյանք յուրաքանչյուր թաղամասին, մայրաքաղաքի յուրաքանչյուր անկյունի զարգացում, ավելի գեղեցիկ, ավելի կանաչ և ավելի բարեկարգ քաղաք․ սա է այն, ինչ ամենից շատ է պետք մեր սիրելի մայրաքաղաքին և յուրաքանչյուր թբիլիսցուն։ Եվ սա է այն, ինչ ամենալավը կարող է անել Կախա Կալաձեն։

Հենց այդ պատճառով, «Վրացական երազանքի» թիմի անունից, պատիվ ունեմ ձեզ ներկայացնելու որպես Վրաստանի մայրաքաղաքի քաղաքապետի թեկնածու, ավելի ճիշտ՝ որպես ապագա քաղաքապետ այն մարդու, ում քաղաքապետ լինելը կցանկանար ցանկացած եվրոպական մայրաքաղաք։ Նա մեր թիմի առանձնահատուկ առաջնորդն է, Թբիլիսիի երբևէ ունեցած ամենահաջողակ քաղաքապետը՝ Կախա Կալաձե», – հայտարարել է Իրակլի Կոբախիձեն։