«Մենք չենք կարող թույլ տալ, որ որոշ ուժեր եվրոպական ինտեգրման հարցը օգտագործեն որպես շանտաժի գործիք՝ վրաց ժողովրդի դեմ», – այս մասին հայտարարել է Վրաստանի վարչապետ Իրակլի Կոբախիձեն՝ իր հարցազրույցում CCTV-ի «Leaders Talk» հաղորդման շրջանակում։

Կառավարության ղեկավարը նշել է, որ Վրաստանը 2022 թվականին դիմել է Եվրամիությունում թեկնածուի կարգավիճակ ստանալու համար, սակայն այդ դիմումը մերժվել է։

«Թեկնածուի կարգավիճակի ստացման համար պահանջվեց մեկ ու կես տարի։ Մենք ստիպված էինք դրա համար պայքարել։ Բացի այդ, այդ կարգավիճակը դարձավ շանտաժի միջոց։ Հետագայում նրանք սկսեցին մեզ շանտաժի ենթարկել Եվրամիության հետ անդամակցության բանակցությունների բացման հարցով, ինչը լավ չէ, քանի որ դա երկրում քաոսային իրավիճակներ ստեղծեց։ Իհարկե, մեր նպատակն է դառնալ Եվրամիության լիիրավ անդամ, սակայն ցանկանում ենք շարունակել այդ ճանապարհը միայն կանոնների և արդարության սկզբունքին համապատասխան։ Սա է մեր ընդհանուր մոտեցումը», – հայտարարել է վարչապետը։