Խորհրդարանական մեծամասնության առաջնորդ Իրակլի Կոբախիձեի խոսքով, «Համաներման մասին» օրենքի նախագծում ոչինչ չի փոխվի:

Ըստ նրա, օրինագիծը կվերաբերի մոտ հազար բանտարկյալներին:

«Օրենքի նախագիծն այնքան հետևողական ու մանրամասն է քննարկվում, այդ թվում՝ հոդվածների մակարդակով, որ մենք չենք ակնկալում հոդվածների ուղղության փոփոխություն: Հոդվածների առումով ոչինչ չի փոխվի: Ինչ վերաբերում է ում, հոդվածները հստակեցված են և համապատասխան տեղեկատվությունը հրապարակված է: Այս օրինագիծը կանդրադառնա շուրջ հազար բանտարկյալների վրա: Ինչ վերաբերում է այն հինգ անձանց, որոնք արմատական ​​ընդդիմության կողմից կոչվում են քաղբանտարկյալներ, ապա այս օրինագիծը նրանց վրա որեւէ կերպ չի ազդի: Համաներումը խորհրդարանի բացառիկ իրավասությունն է: Համաներման ակտը երկրում համեմատաբար հաճախ իրականացվում է որպես ստանդարտ: Մեր պարագայում իրականում շատ մեծ բաց կար, և մենք համարեցինք, որ այսօր ժամանակն է մինչև հազար բանտարկյալների կիրառել համաներման մասին օրենքը: Հոդվածները հատ առ հատ քննարկվել են՝ առավել ռացիոնալ որոշում կայացնելու համար», – հայատարարել է Կոբախիձեն:

Դեկտեմբերի 16-ին Վրաստանի խորհրդարանում գրանցվեց «Համաներման մասին» Վրաստանի օրենքի նախագիծը: Մարդու իրավունքների պաշտպանության և քաղաքացիական ինտեգրման հարցերով խորհրդարանական կոմիտեի նախագահ Միխեիլ Սարջվելաձեի խոսքով, օրինագիծը նախատեսում է ազատել քրեական պատասխանատվությունից նրանց, ովքեր օրենքի նախագծով կատարել են որոշակի հանցագործություններ մինչև 2020 թ. դեկտեմբերի 11-ը: