Իրակլի Կոբախիձե. Ադրբեջանի վարչապետի հետ հանդիպմանը մենք քննարկեցինք տնտեսական կապերի խորացման հարցը, Հարավային Կովկասում խաղաղության գաղափարին մեր նվիրվածությունը
Վրաստանի վարչապետ Իրակլի Կոբախիձեն անդրադարձել է Ադրբեջանի վարչապետ Ալի Ասադովի հետ հանդիպմանը սոցիալական ցանց X-ում։
Կոբախիձեի խոսքով՝ կողմերը փոխադարձաբար վերահաստատել են ռազմավարական գործընկերությունը, որը հիմնված է ընդհանուր արժեքների և փոխադարձ հարգանքի վրա։
««Թբիլիսիի Մետաքսի ճանապարհի հինգերորդ ֆորումի» շրջանակում ինձ համար պատիվ էր հյուրընկալել Ադրբեջանի վարչապետ Ալի Ասադովին։ Մենք վերահաստատեցինք մեր ռազմավարական գործընկերությունը, որը հիմնված է ընդհանուր արժեքների և փոխադարձ հարգանքի վրա։ Քննարկեցինք տնտեսական կապերի, տրանսպորտային և էներգետիկ համագործակցության հետագա խորացման հարցերը, ինչպես նաև մեր հավատարմությունը Հարավային Կովկասում խաղաղության և կայունության գաղափարին», – նշել է Իրակլի Կոբախիձեն։