Իրակլի Կոբախիձե. Այսպես կոչված ժողովրդավարության փառատոնում ցուցադրված են նաև Սահակաշվիլիի նկարները, ինչը նշանակում է, որ իրականում գոյություն ունի «ավտորիտարիզմի փառատոն», որը ֆինանսավորվում է օտարերկրյա դոնորների կողմից
«Որքան գիտեմ, այսպես կոչված ժողովրդավարության փառատոնում ցուցադրված են նաև Սահակաշվիլիի նկարները։ Սա նշանակում է, որ իրականում կա «Ավտորիտարիզմի փառատոն»։ Ամենացավալին այն է, որ Վրաստանում «Ավտորիտարիզմի փառատոնը» ուղղակիորեն ֆինանսավորվում է օտարերկրյա դոնորների կողմից»,- ասել է Վրաստանի վարչապետ Իրակլի Կոբախիձեն։
Կոբախիձեի խոսքով՝ այս ամենը շատ վատ է։
«Սա սխալ միջամտություն է ընտրական գործընթացներին։ Ցավոք, ընտրություններն անցկացվելու են ընտրական սկզբունքների կոպիտ խախտումների ֆոնին, թեև այդ խախտումներն իրականում չեն կարող արտացոլվել արդյունքներում։ Վրաց հասարակությունն ամեն ինչ լավ տեսնում է: Հետևաբար, ինչպիսի միջամտություն էլ իրականացվի, այդ թվում՝ արտաքին միջամտությունը ընտրական գործընթացներին, դա որևէ էական ազդեցություն չի ունենա ընտրությունների արդյունքների վրա, այդ թվում՝ դրսից ֆինանսավորվող «ավտորիտարիզմի փառատոնները» չեն վերադարձնի ավտորիտարիզմը Վրաստան », – ասել է Կոբախիձեն։