Ադրբեջանի Հանրապետության խորհրդարանի հետ բարեկամության խմբի ղեկավար Իրակլի Քադագիշվիլին և խմբի անդամներ Զաուր Դարգալին ու Սավալան Միրզոևը հանդիպել են Ադրբեջանի իշխող կուսակցության, «Նոր Ադրբեջան» երիտասարդական միության և «Վրացական երազանք» երիտասարդական կազմակերպության ներկայացուցիչների հետ։

Վրաստանի խորհրդարանի անդամները երիտասարդների հետ խոսել են երկու երկրների օրենսդիր մարմինների միջև առկա հարաբերությունների մասին։

«Հանդիպման ընթացքում նշվել է, որ հատկապես կարևոր է զարգացնել մեր բարեկամ և ռազմավարական, հարևան պետության հետ հարաբերությունները բազմաթիվ ուղղություններով։ Այս առումով երիտասարդների միջև հարաբերությունները հիմնական առաջնահերթություններից մեկն են։ Ողջունելի է, որ երիտասարդներն արդեն իսկ սերտ համագործակցություն ունեն և ապագայում պլանավորում են բազմաթիվ հետաքրքիր համատեղ նախագծեր», – ասել է Իրակլի Քադագիշվիլին։

Տեղեկատվությունը տարածում է Վրաստանի խորհրդարանը։