Ցավոք, պետք է ասել, որ Վրաստանում և երկրից դուրս կան ուժեր, որոնք նպատակաուղղված աշխատում էին Վրաստանի եկեղեցու վարկաբեկման համար. այս մասին հայտարարել է խորհրդարանական մեծամասնության անդամ Իրակլի Քադագիշվիլին:

Նրա խոսքով՝ հարձակման կթիրախավորվեն բոլոր նրանք, ովքեր կունենան պատրիարքության հեռանկար:

«Ցավոք, պետք է ասել, որ Վրաստանում և երկրից դուրս կան ուժեր, որոնք նպատակաուղղված աշխատում էին Վրաստանի եկեղեցու վարկաբեկման և պառակտում ստեղծելու համար: Մենք բոլորս լավ հիշում ենք սանձարձակ արշավը հենց պատրիարքի և եկեղեցու դեմ: Հիմա, իհարկե, նրանք կշարունակեն այդ պայքարը, մանավանդ երբ տեսան, որ վրաց ժողովուրդն այդպիսի աջակցություն ունի եկեղեցու և պատրիարքի նկատմամբ: Այնպես որ, նրանց այս հարձակումը եկեղեցու վրա կշարունակվի: Նպատակը մեկն է՝ առավելագույնս վնասել հեղինակությունը: Թեև իրենք էլ գիտեն, որ արդյունք չի լինի, բայց կարծում են, որ հենց գործընթացը բացասական ֆոնին տանելն արդեն որոշակի արդյունք է: Բնականաբար, Շիո սրբազանի վրա հարձակումներն այժմ կուժեղանան, քանի որ նա կարող է լինել պատրիարքական գահի թեկնածուներից մեկը: Բոլորի նկատմամբ, ովքեր կունենան նման հեռանկար, հարձակում կիրականացվի», – հայտարարել է Քադագիշվիլին: