Վրաստանի վարչապետ Իրակլի Ղարիբաշվիլիի և Հունգարիայի արտաքին գործերի և առևտրի նախարար Պետեր Սիարտոյի հանդիպմանը քննարկման հիմնական թեմաներն էին Վրաստանին ԵՄ անդամակցության հեռանկարի տրամադրման վերաբերյալ Եվրոպական խորհրդի որոշումը և երկու երկրների միջև սերտ գործընկերության։

Իրակլի Ղարիբաշվիլին շնորհակալություն է հայտնել Պետեր Սիարտոյին Վրաստանին ԵՄ թեկնածուի կարգավիճակ շնորհելու հարցում ցուցաբերած հստակ աջակցության համար և նշել, որ շնորհակալ է Հունգարիայի վարչապետ Վիկտոր Օրբանին սկզբունքային դիրքորոշման համար։ Կառավարության ղեկավարը նշել է, որ պաշտոնապես ճանաչվել է Վրաստանի եվրոպական հեռանկարի վերաբերյալ Եվրահանձնաժողովի կարծիքը, որը Եվրահանձնաժողովի հանձնարարականով վերահաստատվել է Եվրոպական խորհրդի կողմից։

Վարչապետի խոսքով՝ Վրաստանի իշխանությունը շարունակում է աշխատել Ասոցացման օրակարգում ընդգրկված բոլոր բարեփոխումների վրա և կավարտի ժողովրդավարական բարեփոխումների ուղղությամբ ստանձնած բոլոր պարտավորությունները։ Իրակլի Ղարիբաշվիլին շնորհակալություն է հայտնել Պետեր Սիարտոյին Վրաստանի ինքնիշխանությանն ու տարածքային ամբողջականությանը աջակցելու համար։ Հունգարիայի արտաքին գործերի և առևտրի նախարարն իր հերթին վերահաստատել է իր անսասան աջակցությունը Վրաստանի ինքնիշխանությանն ու տարածքային ամբողջականությանը, ինչպես նաև եվրոպական և եվրատլանտյան ինտեգրման գործընթացին։

Հանդիպմանը կարևորվել է Վրաստանի և Հունգարիայի միջև հաջողված գործընկերությունը բազմաթիվ ոլորտներում: