Իրակլի Ղարիբաշվիլին կհանդիպի Մցխեթա-Մթիանեթի շրջանի կուսակցական ակտիվի հետ
«Վրացական երազանքի» նախագահ Իրակլի Ղարիբաշվիլին, կուսակցության գործադիր քարտուղար Մամուկա Մդինարաձեն, տարածաշրջանային քարտուղար Դիմիտրի Սամխարաձեն և խորհրդարանական մեծամասնության անդամները կհանդիպեն Մցխեթա-Մթիանեթի շրջանի տեղական կազմակերպությունների ղեկավարների և կուսակցական ակտիվիստների հետ։
Ինչպես տեղեկացնում է «Վրացական երազանք»-ի մամուլի ծառայությունը, հանդիպումը տեղի կունենա Մցխեթայում վաղը՝ ժամը 13:00-ին։
Հանդիպմանը կմասնակցի Մցխեթա-Մթիանեթի տարածաշրջանում պետական լիազոր Դավիթ Նոզաձեն։
«Վրացական երազանք»-ի նախագահի և կուսակցության ղեկավարների հանդիպումները մարզերում սկսվել են մարտի 2-ին։ Հանդիպումներ են տեղի ունեցել Աջարիայում, Սամեգրելո-Զեմո Սվանեթիում, Գուրիայում, Իմերեթում, Ռաճա-Լեչխում-Քվեմո Սվանեթիում և Շիդա Քարթլիում: