Իրակլի Ղարիբաշվիլին հանդիպել է ԱՄՆ պետքարտուղարի տեղակալի օգնականի հետ
Վրաստանի վարչապետ Իրակլի Ղարիբաշվիլին հանդիպել է Ամերիկայի Միացյալ Նահանգների պետքարտուղարի տեղակալի օգնական Էրիկա Օլսոնի հետ։
Կառավարությունում կայացած հանդիպմանը քննարկվել է երկու երկրների ռազմավարական գործընկերությունը։ Ընդգծվել է տարբեր ոլորտներում համագործակցության ամրապնդման կարեւորությունը։
Իրակլի Ղարիբաշվիլին և Էրիկա Օլսոնը նաև անդրադարձել են տարածաշրջանում և աշխարհում առկա անվտանգության միջավայրին։ Այս ուղղությամբ ընդգծվել է վարչապետի նախաձեռնած Հարավկովկասյան խաղաղության և հարևանության նախաձեռնության կարևորությունը։
Զրույցի ընթացքում անդրադարձ է եղել նաև եվրաինտեգրման ճանապարհին Վրաստանի ձեռք բերած շոշափելի առաջընթացին։
Տեղեկությունը տարածում է Վրաստանի վարչապետի մամուլի գրասենյակը։