Մեր մայրենի լեզուն մեր ինքնության, միասնության և ուժի ամենակարևոր որոշիչներից մեկն է,- այս մասին սոցցանցում գրում է Վրաստանի վարչապետ Իրակլի Ղարիբաշվիլին։

Ինչպես նշում է վարչապետը, վրաց ժողովուրդն ինքը ապրիլի 14-ը դարձրեց վրաց լեզվի օր։

«Այս տարի լրանում է 1978 թվականի ապրիլի 14-ի աննախադեպ բազմամարդ խաղաղ ցույցի 45-րդ տարեդարձը, երբ վրաց ազգը կանգնեց նոր սահմանադրությամբ վրաց լեզվի պետական ​​կարգավիճակը վերացնելու խորհրդային իշխանության փորձի դեմ։ Վրացիները հաղթեցին իրենց մայրենի լեզուն պաշտպանելու պայքարում: Խորհրդային Միության պատմության մեջ առաջին անգամն էր, որ ռեժիմը նահանջեց ժողովրդական ցույցերի արդյունքում։ Այս հաղթանակը օրինակելի դարձավ մյուս հանրապետությունների համար և ազդեց նրանց սահմանադրությունների վերջնական տարբերակի ձևավորման վրա։

Ապրիլի 14-ը վրաց ժողովուրդն ինքը դարձրեց վրաց լեզվի օր։

Վրաց լեզվի պաշտպանության և զարգացման համար ստեղծվել է պետական ​​լեզվի 10-ամյա ռազմավարություն, որն արդեն հաստատել է Վրաստանի կառավարությունը։

Մեր մայրենի լեզուն մեր ինքնության, միասնության և ուժի հիմնական որոշիչներից է»,- գրել է վարչապետը։