Մեր հիմնական խնդիրը պետք է լինի առնվազն կրկնապատկել մեր տնտեսությունը մինչև 2030 թվականը, ինչը գուցե հավակնոտ, բայց բավականին իրատեսական ծրագիր է, – ասաց Վրաստանի վարչապետ Իրակլի Ղարիբաշվիլին իր ելույթի ժամանակ՝ Վրաստանի տնտեսության երկարաժամկետ զարգացման «Տնտեսություն – 2030» տեսլականի շնորհանդեսի ժամանակ:

Կառավարության ղեկավարը նշել է, որ երկարաժամկետ զարգացման տեսլականի նախնական փաստաթուղթը պատրաստ է, և դրա կատարելագործմանը կներգրավեն բիզնեսի ներկայացուցիչներ, ոչ պետական ​​հատվածը, արտասահմանյան գործընկերներ և դոնորներ:

«Մեր հիմնական խնդիրն էր մշակել երկարաժամկետ զարգացման տեսլական: Նախնական փաստաթուղթը պատրաստ է և մենք պատրաստ ենք բացեիբաց ներգրավել այս գործընթացին ինչպես բիզնեսի, այնպես էլ ոչ կառավարական ​​հատվածի ներկայացուցիչներին, մեր արտասահմանյան գործընկերներին, դոնորներին, որպեսզի հետագա երեք ամիսների ընթացքում կատարելագործենք այս փաստաթուղթը, համաձայնենք, որ սա է հիմնական շրջանակային փաստաթուղթը, որի շրջանակներում կարող ենք տեղաշարժվել: Իհարկե, տարիների ընթացքում այս փաստաթուղթը կարող է թարմացվել: Մենք բոլորս պետք է համաձայնենք, և կառավարությունը, և բիզնեսը, որ դա ճիշտ ճանապարհն է, որ այն իրոք կբերի ներառական աճ, որ տնտեսական աճը առավելագույնս կշոշափի մեր բնակչությանը և այն չի լինի միայն կոնկրետ մարդկանց համար: Մեր հիմնական խնդիրը պետք է լինի գոնե կրկնապատկել մեր տնտեսությունը մինչև 2030 թվականը, ինչը կարող է հավակնոտ, բայց շատ իրատեսական ծրագիր լինել», – ասաց վարչապետը: