Վրաստանի վարչապետ Իրակլի Ղարիբաշվիլիի խոսքով, սահմանի անօրինական հատումը սովորական հանցագործություն է, և դատախազությունը համապատասխաբար արձագանքեց Միխեիլ Սաակաշվիլիի հետ կապված:

Նրա խոսքով, ոչ ոք չի կարող եւ չի բարձրացնի այս հարցը:

«Ես զրուցել եմ բազմաթիվ եվրոպացի գործընկերների, ընկերների հետ և նրանք կատակով զարմացած են, թե ինչպես կարող էր նախկին նախագահը… նախ, բոլորը շոկի մեջ էին, երբ այս մարդը լքեց մեր քաղաքացիությունը, իր քաղաքացիությունը, անձնագիրը, դա դավաճանություն է, և երկրորդ , մաքսանենգության միջոցով, գաղտագողի, ես կասեի՝ խայտառակ կերպով: Իհարկե, նա խախտեց օրենքը: Սահմանի անօրինական հատումը սովորական հանցագործություն է, և դատախազությունը, մեր պետությունը համապատասխանաբար է արձագանքել», – ասաց Իրակլի Ղարիբաշվիլին:

Վրաստանի նախկին նախագահ Միխեիլ Սաակաշվիլիին երեկ Ռուսթավի 12-րդ հաստատությունում 344-րդ հոդվածի առաջին մասով մեղադրանք է առաջադրվել սահմանը ապօրինի հատելու համար: