Իրակլի Ղարիբաշվիլի. Կախի Կավսաձեի անմոռանալի դերերն արժանի են համընդհանուր ճանաչման, վրաց հասարակությանը ցավակցում եմ այս մեծ մարդու մահվան առթիվ
Վրաստանի վարչապետ Իրակլի Ղարիբաշվիլին իր ցավակցությունն է հայտնում դերասան Կախի Կավսաձեի մահվան առթիվ:
Վարչապետը ցավակցություն է հայտնել Կավսաձեի ընտանիքի անդամներին և վրաց հասարակությանը:
«Շատ ցավում եմ, որ այսօր ևս մեկ մեծ վրացի հեռացավ մեզանից: Մահացավ իսկական ժողովրդական արտիստ, բոլոր ժամանակների վրաց հանդիսատեսի սիրելի, իր կյանքի ընթացքում լեգենդ դարձած Կախի Կավսաձեն: Նրա անմոռանալի դերերը արժանի են համընդհանուր ճանաչման բոլոր սերունդների շրջանում, այդ պատճառով նա վրաց ժողովրդի կողմից պարգևատրվեց մեծագույն պարգևով՝ ամենամեծ սիրով:
Այս մեծ մարդու ու դերասանի մահվան կապակցությամբ ցավակցում եմ նրա ընտանիքին, հարազատներին, վրաց հասարակության», – գրել է Ղարիբաշվիլին ցավակցական նամակում:
85 տարեկան հասակում մահացել է դերասան Կախի Կավսաձեն: