Հնդկաստանի Հանրապետության վարչապետի որոշմամբ, Վրաստանին մշտական ​​սեփականության է հանձնվել Գոայում, Սբ. Օգոստինյան վանական համալիրի ավերակների պեղումների ժամանակ Սբ. Քեթևան թագուհու մասունքները, որոնք նախարարը անձամբ բերել է Վրաստան,- այս մասին Վրաստանի վարչապետ Իրակլի Ղարիբաշվիլին հայտարարել է Հնդկաստանի արտաքին գործերի նախարար Սուբրահմանյան Ջայշանկարի հետ հանդիպումից հետո կայացած մամուլի ասուլիսին:

Իրակլի Ղարիբաշվիլին Վրաստանի կառավարության և ժողովրդի անունից շնորհակալություն է հայտնել Հնդկաստանի արտաքին գործերի նախարարին, վարչապետին և հնդիկ ժողովրդին:

«Այսօրվա այցը պատմական է: Սա Հնդկաստանի արտաքին գործերի նախարարի առաջին այցն է մեր երկիր: Պարոն նախարարն այսօր մեծ առաքելությամբ է ժամանել Թբիլիսի: Հնդկաստանի Հանրապետության վարչապետի որոշմամբ, Վրաստանին մշտական ​​սեփականության է հանձնվել Գոայում, Սբ. Օգոստինյան վանական համալիրի ավերակների պեղումների ժամանակ Սբ. Քեթևան թագուհու մասունքները, որոնք նախարարը անձամբ բերել է Վրաստան: Մեր կառավարության և մեր ժողովրդի անունից ցանկանում եմ իմ անկեղծ շնորհակալությունը հայտնել ձեզ, պարոն նախարար, ձեր վարչապետին, ձեր կառավարությանը և հնդիկ ժողովրդին: Այս փաստը չափազանց կարևոր է մեզ համար, մեր ժողովրդի համար, մեր եկեղեցու համար: Մենք դա շատ ենք գնահատում: Մենք հավատում ենք, որ այսօր որոշիչ օր կլինի մեր հետագա համագործակցության, ժողովուրդների և կառավարությունների միջև մեր բարեկամության համար», – ասաց նա: