Իլհամ Ալիև. Ես դատապարտում եմ Թեհրանում մեր դեսպանատան դեմ իրականացված ահաբեկչությունը, պահանջում ենք արագ հետաքննություն
Ադրբեջանի նախագահ Իլհամ Ալիևը դատապարտում է Թեհրանում Ադրբեջանի դեսպանատան վրա տեղի ունեցած ահաբեկչությունը։ Ալիևը պահանջում է հետաքննել միջադեպը և պատժել մեղավորներին։
Այս հայտարարությունը Իլհամ Ալիևը հրապարակել է «Twitter»-ում։
«Ես խստորեն դատապարտում եմ ահաբեկչությունը, որն այսօր իրականացվեց Թեհրանում մեր դեսպանատան դեմ։ Իմ խորին ցավակցությունն եմ հայտնում ավագ լեյտենանտ Օրհան Ռիզվան Ասկերովի ընտանիքին և հարազատներին, ով մահացել է դեսպանատան և նրա աշխատակիցների անվտանգությունն ապահովելու ժամանակ։ Մենք պահանջում ենք ահաբեկչական այս գործողության արագ հետաքննություն և ահաբեկիչների շուտափույթ պատիժ։ Դիվանագիտական ներկայացուցչության վրա ահաբեկչություն չի թույլատրվում»,- գրել է Ալիեւը։
Իրանում Ադրբեջանի դեսպանատան վրա հարձակում է տեղի ունեցել, որի հետևանքով մեկ մարդ է մահացել։