Մոլդովայի նախկին նախագահ և ռուսամետ «Հայրենասիրական դաշինքի» առաջնորդ Իգոր Դոդոնը քվեարկել է խորհրդարանական ընտրություններում։

Բացի այդ, Դոդոնը կոչ է արել քաղաքացիներին գալ ընտրատեղամասեր և արտահայտել իրենց դիրքորոշումը ընտրատեղամասերում։

«Հաշվի առնելով, որ ներկայիս կառավարությունը քննարկում է ընտրությունները չեղարկելու տարբերակը, ես կոչ եմ անում բոլորին գալ խորհրդարան՝ մեր հաղթանակը պաշտպանելու համար։ Ես քվեարկել եմ նորմալ պայմաններին վերադառնալու, Մոլդովայի Հանրապետության զարգացման, վերջին շաբաթներին, ամիսներին և տարիներին Մոլդովայի Հանրապետությունում նորմա դարձած վախից ազատվելու համար։ Ես հարյուրավոր հանդիպումներ եմ ունեցել. մարդիկ վախենում են։ Երբ մարդիկ վախենում են, սա բռնապետություն է», – նշել է Իգոր Դոդոնը։

Տեղեկության համար, Մոլդովայում ընթանում են խորհրդարանական ընտրություններ։ Ընտրություններին մասնակցում են հինգ կուսակցություն, չորս կոալիցիա և չորս անկախ թեկնածու։ Նրանք կփորձեն մեծամասնություն կամ 51 տեղ գրավել 101 տեղանոց խորհրդարանում։ Նախնական հարցումները ցույց են տալիս, որ հիմնական դիմակայությունը կընթանա երկու քաղաքական ուժերի միջև՝ գործող նախագահ Մայա Սանդուի եվրոպամետ «Գործողության և համերաշխության կուսակցությունը» և նախկին նախագահ Իգոր Դոդոնի գլխավորած ռուսամետ «Հայրենասիրական դաշինքը»։