Հունգարիայի կառավարության խոսնակ. Վիկտոր Օրբանն ընդգծել է, որ Բրյուսելի և Սորոսի հարձակումները Վրաստանի խաղաղասեր կառավարության վրա պետք է դադարեցվեն, ինչպես նաև պետք է դադարեցվեն ԵՄ-ի կողմից նրա ընդդիմության ֆինանսավորումը
Հունգարիայի վարչապետ Վիկտոր Օրբանն ընդգծել է, որ Բրյուսելի և Ջորջ Սորոսի հարձակումները Վրաստանի խաղաղասեր կառավարության դեմ պետք է դադարեցվեն, ինչպես նաև պետք է դադարեցվի ԵՄ-ի կողմից նրա ընդդիմության ֆինանսավորումը, գրել է Հունգարիայի կառավարության խոսնակ Զոլթան Կովաչը սոցցանցերում։
Ըստ Կովաչի, Վրաստանի խորհրդարանի նախագահ Շալվա Պապուաշվիլիի հետ Կարմելիտի վանքում հանդիպման ժամանակ Հունգարիայի վարչապետ Վիկտոր Օրբանը վերահաստատել է իր ամուր աջակցությունը Վրաստանին Բրյուսելի հետ վեճում:
«Բացի քաղաքական համագործակցությունից, առաջնորդները քննարկել են տնտեսական և էներգետիկ հարցեր։ Հունգարիայի վարչապետ Վիկտոր Օրբանն ընդգծել է, որ Բրյուսելի և Ջորջ Սորոսի հարձակումները Վրաստանի խաղաղասեր կառավարության դեմ պետք է դադարեցվեն, ինչպես նաև պետք է դադարեցվեն ԵՄ-ի կողմից նրա ընդդիմության ֆինանսավորումը։ Նա հայտարարել է, որ Վրաստանը պատրաստ է անդամակցել Եվրամիությանը, եւ նրա անդամակցումը պետք է տեղի ունենա որքան հնարավոր է շուտ։ Ղեկավարները համակարծիք են եղել, որ հունգարա-վրացական հարաբերությունները կառուցված են ընդհանուր արժեքների վրա, ներառյալ մշակութային, քրիստոնեական ժառանգությունը և խաղաղությանը նվիրվածությունը: Վարչապետն ընդգծել է առաջիկա տարիներին ներդրումային և գործարար հարաբերությունների խորացման և երկկողմ առևտրի ընդլայնման կարևորությունը՝ քաղաքական կապերի ամրությանը համահունչ»,- գրել է Կովաչը։
