Հունգարիայի նոր կառավարությունը պաշտոնապես ներկայացրել է վարչապետի լիազորությունների ժամկետը ութ տարով սահմանափակելու նախաձեռնություն։

Ինչպես հաղորդում է Reuters-ը, իշխող «Տիսա» կուսակցությունը խորհրդարան է ներկայացրել սահմանադրական փոփոխությունների նախագիծ, որը կսահմանափակի վարչապետի պաշտոնավարման ժամկետը ութ տարով կամ երկու ժամկետով։

Հունգարիայի վարչապետ Պետեր Մադյարը հայտարարել է, որ կօգտագործի իր խորհրդարանական մեծամասնությունը՝ «Ֆիդես»-ի կողմից ընդունված օրենքները փոխելու և ժողովրդավարական հակակշիռների ու զսպումների համակարգը վերականգնելու համար։

Սահմանադրական փոփոխությունների նախագծի համաձայն՝ այն անձինք, ովքեր արդեն ութ տարի զբաղեցրել են վարչապետի պաշտոնը, այլևս չեն կարողանա վերընտրվել։

Փաստաթղթում նաև նշվում է, որ վարչապետը պարտավոր կլինի հրաժարական տալ ընդհանուր առմամբ ութ տարի կամ երկու ժամկետից հետո։

Reuters-ի փոխանցմամբ՝ փոփոխությունները նաև ճանապարհ են հարթում Ինքնիշխանության պաշտպանության գրասենյակի վերացման համար։ Reuters-ի փոխանցմամբ՝ այդ մարմինը ստեղծվել է Վիկտոր Օրբանի կառավարության կողմից 2023 թվականին և պատասխանատու է եղել Հունգարիայի ինքնիշխանությանը «սպառնալիք» համարվող լրատվամիջոցների ցուցակները կազմելու համար։

Ձեր տեղեկության համար, Հունգարիայի սահմանադրությունը ներկայումս վարչապետի պաշտոնավարման ժամկետի սահմանափակում չունի։