Հռոմի պապ Լեո XIV-ը հայտարարել է, որ պատերազմներ սկսող քրիստոնյա քաղաքական առաջնորդները պետք է խոստովանեն և խորհեն այն մասին, թե որքանով են հետևում Հիսուսի ուսմունքներին։

Այնուամենայնիվ, պապը չի նշել կոնկրետ առաջնորդների կամ հակամարտությունների անուններ։

«Արդյո՞ք զինված հակամարտություններում ծանր պատասխանատվություն կրող քրիստոնյաները բավականաչափ խոնարհություն և քաջություն ունեն լրջորեն քննելու իրենց խիղճը և խոստովանելու», – ասել է պապը հոգևորականներին ուղղված իր խոսքում։

Ռոյթերսը հաղորդում է, որ վերջին օրերին Հռոմի պապն ավելի ակտիվ է եղել Իրանում պատերազմի դադարեցման կոչ անելու հարցում։

Բացի այդ, ինչպես գրում է գործակալությունը, ԱՄՆ նախագահ Դոնալդ Թրամփը դաստիարակվել է պրեսբիտերական քրիստոնեական ավանդույթներով։ Նրա վարչակազմի մի քանի անդամներ, այդ թվում՝ փոխնախագահ Ջեյ Դի Վենսը և պետքարտուղար Մարկո Ռուբիոն, կաթոլիկ են։