Հոկտեմբերյան պալատի մոտ իրավապահները ցուցարարների դեմ կիրառել են արցունքաբեր գազ (ֆոտոշարք)
18:05, 17.12.2017
Կիևում Հոկտեմբերյան պալատի մոտ, որտեղ կողմնակիցների հետ միասին գտնվում է Միխեիլ Սաակաշվիլին, իրավապահները օգտագործել են արցունքաբեր գազ,- լրատվությունն այս մասին տարածել է ուկրաինական մամուլը:
Տարածված լրատվությամբ շենքը ամբողջությամբ ծխի մեջ է: Գազ թողելուց հետո մի քանի իրավապահ վատացել է և ստիպված կանչել են շտապօգնություն:
Հիշեցնենք, Օդեսայի նախկին նահանգապետ Միխեիլ Սաակաշվիլիի կողմնակիցները փորձել են ներխուժել Հոկտեմբերյան պալատ, սակայն դրա հնարավորությունը նրանց չեն տվել ազգային գվարդիայի ներկայացուցիչները:
Միխեիլ Սաակաշվիլին կողմնակիցներին կոչ էր արել Մայդանից տեղափոխվել Հոկտեմբերյան պալատ, որտեղ նրա խոսքերով պետք է տեղակայվեր ցուցարարների գլխավոր գրասենյակը:
