Հնդկաստանի արտաքին գործերի նախարարությունը հայտարարել է, որ ԱՄՆ-ի որոշումը՝ Հնդկաստանի նկատմամբ ռուսական նավթի ներմուծման համար մաքսատուրքեր սահմանելու վերաբերյալ, անարդար է, չհիմնավորված և անհիմն
ԱՄՆ-ի որոշումը՝ Հնդկաստանի նկատմամբ մաքսատուրքեր սահմանելու ռուսական նավթի ներմուծման համար, անարդար, անհիմն և չարդարացված է, – ասված է Հնդկաստանի արտաքին գործերի նախարարության հայտարարությունում։
Հնդկաստանի ԱԳՆ-ի հաղորդագրության համաձայն՝ երկիրը ձեռնարկելու է բոլոր անհրաժեշտ քայլերը՝ իր ազգային շահերը պաշտպանելու համար։
«Մենք արդեն հստակ արտահայտել ենք մեր դիրքորոշումը այս հարցերի վերաբերյալ, այդ թվում՝ այն փաստի հետ կապված, որ մեր ներմուծումը հիմնված է շուկայական գործոնների վրա և իրականացվում է Հնդկաստանի 1.4 միլիարդ քաղաքացիների էներգետիկ անվտանգությունը ապահովելու ընդհանուր նպատակով։ Ուստի չափազանց ցավալի է, որ ԱՄՆ-ն ընտրել է Հնդկաստանի նկատմամբ լրացուցիչ մաքսատուրքերի սահմանումը այն գործողությունների համար, որոնք մի շարք այլ երկրներ իրականացնում են ելնելով սեփական ազգային շահերից», – նշված է Հնդկաստանի արտաքին գործերի նախարարության հայտարարությունում։
ԱՄՆ նախագահ Դոնալդ Թրամփը Հնդկաստանից ներմուծվող ապրանքների վրա սահմանել է լրացուցիչ 25% մաքսատուրքեր։ Ինչպես նշել է Թրամփը, այս որոշումը կայացվել է՝ ի պատասխան Հնդկաստանի կողմից ռուսական նավթի գնման։
