«Սերժ Սարգսյանը այսօր կասի Հայաստանի չորրորդ նախագահի թեկնածուի անունը»,- հայտարարել է Հայաստանի Հանրապետական Կուսակցության խոսնակ Էդուարդ Շարմազանովը:
Խոսնակն ասել է, որ չի լինի անսպասելի թեկնածու, եւ խոսքը արդեն շրջանառվող անվան մասին է: Ամենայն հավանականությամբ Շարմազանովը նկատի ունի Մեծ Բրիտանիայում Հայաստանի դեսպան Արմեն Սարգսյանին, որի անունն էլ հենց գրեթե միակը շրջանառվում է այն հատկանիշներից հետո, որ մտավորականների հետ հանդիպմանը հայտարարել էր Սերժ Սարգսյանը մի քանի օր առաջ:
Արմեն Սարգսյանը վաղուց Հայաստանում չի բնակվում, սակայն միջազգային կոնվենցիաների համաձայն՝ տվյալ երկրում այլ երկրի դեսպանատունը համարվում է համապատասխան երկրի տարածք: Ուրեմն՝ Մեծ Բրիտանիայում ՀՀ դեսպանատունը համարվում է ՀՀ տարածք, եւ հետեւաբար Արմեն Սարգսյանն էլ բնակվում է ՀՀ-ում:
Հայաստանի 4-րդ նախագահի թեկնածու Արմեն Սարգսյանն այսօր՝ հունվարի 19-ին, Սերժ Սարգսյանի հետ հանդիպմանը ժամանակ է խնդրել վերջնական որոշում կայացնելու համար:
