ՀՀ ԱԱԾ-ն կոչ է անում քաղաքացիներին զերծ մնալ Էջմիածնի շուրջ իրավիճակը սրելուց և չխոչընդոտել իրավապահ մարմինների աշխատակիցներին որոշումները կատարելու հարցում
ՀՀ Ազգային անվտանգության ծառայությունը կոչ է անում քաղաքացիներին զերծ մնալ Էջմիածնի շուրջ իրավիճակի սրումից և չխոչընդոտել իրավապահ մարմինների կողմից օրինական որոշումների կատարմանը։
Անվտանգության ծառայությունը նաև կոչ է անում Շիրակի թեմի առաջնորդ, արքեպիսկոպոս Միքայել Աջապահյանին չթաքնվել իրավապահ մարմիններից և ներկայանալ իրեն սպասող օպերատիվ խմբին։
ՀՀ քննչական կոմիտեն քրեական գործ է հարուցել Շիրակի թեմի առաջնորդ, արքեպիսկոպոս Միքայել Աջապահյանի դեմ՝ լրատվամիջոցների միջոցով իշխանությունը զավթելու և սահմանադրական կարգը տապալելու հրապարակային կոչերի համար։ ՀՀ Ազգային անվտանգության ծառայության տվյալներով՝ հարուցված գործի շրջանակներում տրվել է մեղադրյալ Աջապահյանի ձերբակալման օրդեր։
Հիշեցնենք, որ Էջմիածնում իրավիճակը լարված է առավոտից։ Անվտանգության աշխատակիցների և ոստիկանության Վեհարան ժամանելուց հետո քաղաքացիները սկսել են հավաքվել դեպքի վայրում։