Հետաքննչական ծառայությունը բացահայտել է կոռուպցիոն հանցագործությունների փաստեր
Վրաստանի ֆինանսների նախարարության հետաքննչական ծառայության աշխատակիցները օպերատիվ-հետախուզական միջոցառումների և քննչական գործողությունների արդյունքում բացահայտել են կաշառակերության և առևտրային կաշառակերության փաստեր երեք տարբեր քրեական գործերով և ձերբակալել երեք անձի։
«Քրեական գործերից մեկի քննությամբ պարզվել է, որ Աջարիայի անտառտնտեսության գործակալության Խուլոյի անտառտնտեսության վարչության անտառապահ Ն.Բ.-ն քաղաքացուց որպես կաշառք վերցրել է 1000 ԱՄՆ դոլար՝ Պետական անտառային ֆոնդին պատկանող հողամասը օգտագործելու դիմաց։ Նա ձերբակալվել է հանցագործության վայրում՝ գումարը վերցնելու պահին։
Երկրորդ քրեական գործի քննությամբ պարզվել է, որ Ազգային սննդի գործակալության Ռաճա-Լեչխումիի և Քվեմո Սվանեթիի տարածաշրջանային ծառայության անասնաբույժ Ա.Լ.-ն, շրջանցելով սահմանված ընթացակարգերը, քաղաքացուց որպես կաշառք վերցրել է 650 լարի՝ չգրանցված ապրանքների նույնականացման և գրանցման դիմաց։
Քննություն է տարվում Վրաստանի քրեական օրենսգրքի 338-րդ հոդվածի 1-ին մասով նախատեսված կաշառք վերցնելու փաստի առթիվ, որը պատժվում է 6-ից 9 տարի ազատազրկմամբ։
Երրորդ քրեական գործի քննությամբ պարզվել է, որ «Վրացական պինդ թափոնների կառավարման ընկերություն» ՍՊԸ-ի օպերատոր Բ.Զ.-ն քաղաքացուց պահանջել և վերցրել է 500 լարի՝ թափոնների չարտոնված տեղադրման դիմաց։ Քվեմո Քարթլիի տարածաշրջանի աղբավայրում, որի ժամանակ նրան ձերբակալել են քննչական ծառայության աշխատակիցները։
Երրորդ քրեական գործի քննությունը ընթանում է Վրաստանի քրեական օրենսգրքի 221-րդ հոդվածով՝ առևտրային կաշառակերության փաստով,- ասվում է Ֆինանսների նախարարության քննչական ծառայության տեղեկատվության մեջ։