Հայաստանն ու Թուրքիան քննարկել են էներգետիկայի ոլորտում համագործակցության հնարավորությունները
Հայաստանն ու Թուրքիան քննարկել են էներգետիկայի ոլորտում համագործակցության հնարավորությունները։ Այս մասին X սոցիալական ցանցում գրել է Թուրքիայի էներգետիկայի և բնական պաշարների նախարար Ալփարսլան Բայրաքթարը։
Ինչպես նշել է Բայրաքթարը, Ստամբուլում հանդիպում է ունեցել Հայաստանի տարածքային կառավարման և ենթակառուցվածքների նախարար Դավիթ Խուդաթյանի հետ։
«Մենք Ստամբուլում հանդիպել ենք Հայաստանի տարածաշրջանային կառավարման և ենթակառուցվածքների նախարար պարոն Դավիթ Խուդաթյանի հետ։ Հանդիպման ընթացքում մենք գնահատել ենք Թուրքիայի և Հայաստանի միջև էներգետիկայի ոլորտում համագործակցության հնարավոր հնարավորությունները», – գրել է Թուրքիայի էներգետիկայի և բնական պաշարների նախարարը։