Վրաստանի առողջապահության նախարար Էկատերինա Տիկարաձեի հայտարարությամբ, պատրաստ են հուլիսից երկրում սկսել կորոնավիրուսի դեմ զանգվածային պատվաստումների գործընթացը:

Խոսելով պատվաստանյութերի կենտրոնացման մասին, Տիկարաձեն ասել է, որ շաբաթվա վերջին Վրաստանը կստանա «Սինոֆարմ» և «Սոնովակ» պատվաստանյութերի միլիոն դեղաչափ:

Ըստ նրա, հայտնի է նաև այն ամսաթիվը, երբ Վրաստան կբերվի «Ֆայզեր» պատվաստանյութը, սակայն հաշվի առնելով պայմանագրի պայմանները, ինքը դեռ չի կարողացել հայտարարել դրա մասին:

«Ինչ վերաբերում է ամենաճանաչված պատվաստանյութերից մեկին՝ «Ֆայզերին», ապա մենք պայմանագրի պատճառով չենք կարող նշել առաքման ամսաթիվը, բայց մենք հաստատ գիտենք, թե երբ է «Ֆայզեր» պատվաստանյութը ժամանելու Վրաստան: Տրամադրվելու են փուլերով և հասանելի կլինեն մեր բոլոր քաղաքացիների համար: Հետևաբար, «Ֆայզեր»-ը նույնպես ներգրավված կլինի զանգվածային պատվաստումների գործընթացում», – հայտարարել է Էկատերինե Տիկարաձեն: