Հարավկորեացի պատգամավորի խոսքով՝ Ուկրաինայում առնվազն 100 հյուսիսկորեացի զինվոր է սպանվել
Առնվազն 100 հյուսիսկորեացի զինվոր է զոհվել Ուկրաինայի պատերազմում։
Այս մասին հաղորդում է «BBC»-ն։
Հարավային Կորեայի խորհրդարանական Լի Սուն Կվոնը, հիմնվելով երկրի Ազգային հետախուզական ծառայության տվյալների վրա, ասում է, որ ևս 1000 զինվոր վիրավորվել է։
Նրա խոսքով՝ կորուստների թվում կան բարձրաստիճան զինվորականներ։
Նա ասաց, որ զոհերի բարձր մակարդակը կարող է բացատրվել Հյուսիսային Կորեայի զինվորականների կողմից իրենց համար խորթ մարտական միջավայրին ծանոթ չլինելով, ինչպես նաև անօդաչու սարքերի հարձակումներին դիմակայելու անկարողությամբ:
Հարավկորեացի խորհրդարանականի խոսքով՝ տեղեկություններ կան լրացուցիչ զորքերի տեղակայման նախապատրաստման մասին, և որ Հյուսիսային Կորեայի առաջնորդ Կիմ Չեն Ինը վերահսկում է զորավարժությունները։
Դեռևս դեկտեմբերի 16-ին Պենտագոնը հայտարարեց, որ Ուկրաինայում՝ Ռուսաստանի կողմից, որոշակի թվով հյուսիսկորեացի զինվորներ են սպանվել, թեև թիվը չեն նշել։