Թունելի վերջում լույս կա, բայց բնակչությունը դեռ պետք է պատվաստվի խմբային իմունիտետը զարգացնելու համար, – լրագրողներին այս մասին հայտնել է Առողջապահության համաշխարհային կազմակերպության Եվրոպայի տարածաշրջանային տնօրեն Հանս Կլուգեն:

Ըստ նրա, Վրաստանում համաճարակաբանական տեսանկյունից դրական դինամիկա կա:

«Առողջապահության համաշխարհային կազմակերպությունը քարոզում է, որպեսզի հնարավորինս շատ երիտասարդներ ներգրավվեն բժշկական մասնագիտությանը: Ինձ շատ դուր եկավ այն փաստը, որ բժշկական մասնագիտությունը գրավիչ լինի երիտասարդների համար: Ավելի շատ բուժքույրեր, ավելի շատ բժիշկներ և ավելի շատ բուժաշխատողներ: Բացի այդ, ձեր երկրում առկա է դրական դինամիկա, բայց մենք դեռ չենք հասել վերջնական նպատակին, ուստի հորդորում ենք ձեզ հետևել բոլոր միջոցառումներին», – հայտարարել է Կլուգեն:

Ըստ նրա, կորոնավիրուսի դեմ պատվաստանյութերը մշակվել են ծայրահեղ իրավիճակում, քանի որ պատվաստանյութը ստանալու համար 5-10 տարի է պետք:

«Լավ պատվաստանյութ պատրաստելու համար անհրաժեշտ է 5-10 տարի: Հիմա այս ծայրահեղ իրավիճակում մենք պատվաստանյութեր ենք մշակել: Կարևոր է, որ այդ պատվաստանյութերն արդյունավետ լինեն: Թունելի վերջում լույս կա, բայց բնակչությանը դեռ պետք է պատվաստել՝ խմբային իմունիտետ զարգացնելու համար», – հայտարարել է Կլուգեն: