Ռուսթավելի պողոտայում՝ Վրաստանի խորհրդարանի հարևանությամբ, բողոքում են «Օտարերկրյա ազդեցության թափանցիկության մասին» օրենքի նախագծի դեմ։

Հանրահավաքի մասնակիցների մի մասը փորձել է կոտրել խորհրդարանի դուռը։

Ցուցարարների երկրորդ խումբը եկել է վայր և նրանց խաղաղ բողոքի ակցիայի կոչ է արել։

Բացի այդ, հանրահավաքի մասնակիցները այրել են Ռուսաստանի դրոշը։

Քիչ առաջ ՆԳՆ-ն հայտարարություն է տարածել, որում նշվում է, որ տարբեր ստորաբաժանումների ներկայացուցիչներ ամբողջությամբ լքել են խորհրդարանի հարակից տարածքը, և ցուցարարները հնարավորություն ունեն իրենց ուզած վայրում ցույց անցկացնել։

Բացի այդ, ՆԳՆ-ն կոչ է անում քաղաքական կուսակցությունների ղեկավարներին, հանրահավաքի կազմակերպիչներին և մասնակիցներին չխախտել օրենքը, խաղաղ իրավիճակում բողոք հայտնել և բռնի գործողություններ չկատարել։