Հանրահավաքի մասնակիցների կողմից արձակված պիրոտեխնիկայի կիրառման արդյունքում ՆԳՆ աշխատակիցներից մեկը այրվածքներ է ստացել
Հանրահավաքի մասնակիցների կողմից արձակված պիրոտեխնիկայի կիրառման արդյունքում ՆԳՆ աշխատակիցներից մեկը այրվածքներ է ստացել այսօր ընթացող հանրահավաքի ժամանակ,- այս մասին ՆԳՆ-ում կայացած ճեպազրույցում ասել է ՆԳ փոխնախարար Ալեքսանդրե Դարախվելիձեն։
Նրա խոսքով, խորհրդարանի հարակից տարածքում հանրահավաքի մասնակիցների բողոքն ամբողջությամբ գերազանցել է «Հավաքների ու ցույցերի մասին» օրենքով նախատեսված շրջանակը և դարձել ամբողջովին բռնի։
«Հանրահավաքի մասնակիցները օրենսդիր մարմնի շենքի ուղղությամբ կրակել են պիրոտեխնիկայով։ Բացի այդ, օգտագործելով քարեր և տարբեր առարկաներ, վնասել են խորհրդարանի դիմացի և կողային ճակատներում գտնվող աշխատանքային սենյակների պատուհանները։ Նաև օրենսդիր մարմին են նետել վառվող առարկաներ, ինչի հետևանքով խորհրդարանի շենքի մի քանի սենյակներում հրդեհ է բռնկվել, որն այս պահին մարվել է։ Հանրահավաքի մասնակիցները նաև վնասել են օրենսդիր շենքի պաշտպանիչ ամբարտակները, պարբերաբար փորձում են վնասել խորհրդարանի մուտքի դարպասը և ներխուժել բակ։ Բռնարար խմբերը տարբեր առարկաների կիրառմամբ արհեստական պատնեշներ են կանգնեցրել ճանապարհի երթևեկելի մասի վրա և վնասել քաղաքապետարանին պատկանող նյութական գույքը։ Բացի այդ, հանրահավաքի մասնակիցների կողմից արձակված պիրոտեխնիկայի կիրառման արդյունքում ընթացիկ հանրահավաքի ժամանակ ներքին գործերի նախարարության մեկ աշխատակից այրվածքներ է ստացել»,- ասել է Ալեքսանդրե Դարախվելիձեն։