Մենք անկեղծ շնորհակալություն ենք հայտնում բոլոր նրանց, ովքեր կանգնած են մեր կողքին և ճանաչում են, որ Իսրայելը, ինչպես ցանկացած այլ երկիր, ունի իրավունք պաշտպանվելու մշտական և իրական վտանգից։ Մենք շարունակելու ենք պաշտպանել մեր քաղաքացիներին, – այս մասին գրել է Իսրայելի դեսպան Հադաս Մեյցադը Վրաստանում՝ սոցիալական ցանցում։

Նրա խոսքով՝ աշխարհը, որտեղ միջազգային ահաբեկչության գլխավոր արտահանողը չունի միջուկային կարողություններ, բոլորի համար ավելի անվտանգ է։

«Միլիոնավոր իսրայելացիներ ողջ գիշեր անցկացրին ապաստարաններում՝ Թեհրանի ռեժիմի զանգվածային հրթիռային հարձակումների պատճառով, ինչը դեռ շարունակվում է։ Ցավոք, այս հարձակումն ուղղված էր խաղաղ բնակչությանը և հանգեցրել է զոհերի և վիրավորների։ Իսրայելն ի պատասխան գործողություններ է իրականացրել Իրանի միջուկային ենթակառուցվածքների դեմ, այդ թվում՝ այն զինվորականների, որոնք ներգրավված էին այդ վտանգավոր ենթակառուցվածքների զարգացման մեջ։ Գործողություններին նախորդել էին վերջին ամիսների անհանգստացնող զարգացումները, որոնց անդրադարձել է ԱԷՄԳ-ի վերջին զեկույցը՝ նշելով Իրանի միջուկային առաջխաղացման արագացման մասին», – նշել է Իսրայելի դեսպանը։

Հադաս Մեյցադի խոսքով՝ Թեհրանի ռեժիմը ոչ խոսքով և ոչ էլ գործով չի թաքցնում իր նպատակը՝ վնաս պատճառել Իսրայելի պետությանը և ազատ աշխարհի մյուս երկրներին։

«Թեհրանի ռեժիմը բացահայտորեն ձգտում է վնասել Իսրայելին և ազատ աշխարհի մյուս երկրներին։ Աշխարհը, որտեղ միջազգային ահաբեկչության գլխավոր արտահանողը զրկված է ռազմական միջուկային հնարավորություններից, բոլորի համար ավելի անվտանգ է։ Մենք անկեղծ շնորհակալություն ենք հայտնում նրանց, ովքեր կանգնած են մեր կողքին և ընդունում են Իսրայելի իրավունքը պաշտպանվելու մշտական և իրական վտանգից։ Մենք շարունակելու ենք մեր քաղաքացիների պաշտպանությունը», – հայտարարել է Հադաս Մեյցադը։