Գուդաուրի-Կոբի ճանապարհահատվածում վերականգնվել է թեթև ավտոտրանսպորտի տեղաշարժը

15:45, 31.01.2021

Վրաստանի տարածաշրջանային զարգացման և ենթակառուցվածքների նախարարության, ավտոմոբիլային ճանապարհների վարչության փոխանցմամբ, իրականացրած մաքրման աշխատանքների արդյունքում, Գուդաուրի-Կոբի ճանապարհահատվածում վերականգնվել է թեթև ավտոտրանսպորտի տեղաշարժը:

Այս փուլում, մերկասառույցի պատճառով, միջազգային նշանակության՝ Մցխեթա-Ստեփանծմինդա-Լարսի ավտոմոբիլային ճանապարհի, Գուդաուրի (Փոստա) – Կոբի հատվածում արգելված է կցովի և կիսակցովի ավտոտրանսպորտի տեղաշարժը: իսկ մնացած տեսակի ավտոտրանսպորտի տեղաշարժն ազատ է:

Գուդաուրի (Փոստա) – Կոբի հատվածում երթևեկությունը կիրականացվի առանց դադարի ռեժիմով, միայն ձնահյուսից պաշտպանվելու թունելների միջոցով: Նշված ռեժիմով երթևեկությունն կիրականացվի պարեկային ոստիկանության անմիջական հսկողության և համակարգման ներքո:

Հեղինակ - edgar barsegyan

Շրջաններ

გუდაური-კობი