Գուդաուրի-Կոբի հատվածում ավտոմեքենաների երթեւեկությունն արգելված է

19:51, 18.12.2024

Վրաստանի Տարածաշրջանային զարգացման և ենթակառուցվածքների նախարարության ավտոճանապարհային դեպարտամենտի տեղեկատվության համաձայն՝ Գուդաուրի (Փոստա)-Կոբի հատվածում երթևեկությունն արգելված է։

«Շրջակա միջավայրի ազգային գործակալության տվյալներով՝ միջազգայնորեն կարևոր Մցխեթա-Ստեփանծմինդա-Լարս ավտոճանապարհի Գուդաուրի (Փոստա)-Կոբի հատվածում ձնահյուսի վտանգի մակարդակը բարձր է, ինչի պատճառով նշված հատվածում ժամանակավորապես արգելվում է բոլոր տեսակի ավտոմեքենաների երթևեկությունը:

Շրջակա միջավայրի ազգային գործակալության տեղեկատվության համաձայն՝ Ստեփանծմինդա-Լարս հատվածում երթեւեկությունը կիրականացվի առանց կանգառի։

Ավտոճանապարհի մնացած հատվածներում տրանսպորտային միջոցների երթեւեկությունն ազատ է»,- նշվում է տեղեկատվության մեջ։

Հեղինակ - edgar barsegyan

Շրջաններ