Ինձ համար իդեալական պատկեր կլինի այն, որ բոլորը մտնեն խորհրդարան, բացառությամբ «Ազգային շարժման» արմատական թևի և «Եվրոպական Վրաստանի», – այս մասին հայտարարել է խորհրդարանական մեծամասնության առաջնորդ, Իրակլի Կոբախիձեն:

Նրա խոսքով, իշխող թիմն անում է հնարավորը, որ խորհրդարանը լինի բազմակուսակցական և կանխատեսում է, որ փետրվարին օրենսդիր մարմնում ներկայացված կլինեն երեք կամ չորս կուսակցություններ:

«Կարծում եմ, որ փետրվարին խորհրդարանում առնվազն երեք կամ չորս կուսակցություններ կներկայացվեն: Մենք ամեն ինչ անում ենք, որ խորհրդարանում լինի բազմակուսակցական սպեկտր: Ինչ և ինչպես, մենք դրա մասին չենք կարող բաց խոսել, բայց ամեն ինչ արվում է մեր կողմից, այդ թվում `պաշտոնական ձևաչափում, այդ թվում` փակ ձևաչափով: Գործընթացը շարունակվում է: Ինչ վերաբերում է կուսակցությունների քանակին, ապա ինձ համար իդեալական պատկեր կլիներ բոլորի մուտքը, բացառությամբ «Ազգային շարժման» արմատական թևի և «Եվրոպական Վրաստանի»: Դա իդեալական պատկեր կլիներ, և ես մեծ հույսեր ունեմ, որ ի վերջո այսպես կձևավորվի խորհրդարանական սպեկտրը»,- հայտարարել է Իրակլի Կոբախիձեն: