Գրիգոլ Լիլուաշվիլին դատապարտվեց 13 տարվա ազատազրկման

18:00, 16.09.2026

Թբիլիսիի քաղաքային դատարանը Պետական անվտանգության ծառայության նախկին ղեկավար Գրիգոլ Լիլուաշվիլիին դատապարտել է 13 տարվա ազատազրկման։

 

Դատավճռի հրապարակման պահին Լիլուաշվիլին ներկա է եղել։ Նա օգտվել է վերջին խոսքի իր իրավունքից՝ երեկվա դատական նիստի ընթացքում հայտարարելով, որ շարունակելու է պայքարել գործի առնչությամբ՝ օրինական միջոցներով։

 

Լիլուաշվիլիի փաստաբանները մատնանշում են գործում ապացույցների բացակայությունը։ Ըստ դատախազի՝ ներկայացված ապացույցները հաստատում են, որ Լիլուաշվիլին կատարել է իրեն վերագրվող հանցանքը։

 

Գրիգոլ Լիլուաշվիլին ձերբակալվել էր անցյալ տարվա դեկտեմբերի 23-ին։ Նրան մեղադրանք է առաջադրվել մի շարք դրվագներով. նախաքննությունը նրան մեղադրում է նախնական համաձայնությամբ գործող խմբի կազմում առանձնապես խոշոր չափի կաշառք ստանալու և «քոլ-կենտրոններին» հովանավորություն ցուցաբերելու մեջ։

 

Լիլուաշվիլին հերքում է մեղադրանքները։

Նմանատիպ