Ես կցանկանայի մի հարց ուղղել ընդդիմությանը, որը փաստորեն վեց ամսվա ընթացքում սաբոտաժի ռեժիմում էր պահում մեր երկիրը, նրանց կործանարար գործողությունները մեծ վնաս են հասցրել մեր պետությանը, – այս մասին Վրաստանի վարչապետ Իրակլի Ղարիբաշվիլին հայտարարել է խորհրդարանի լիագումար նիստի ժամանակ, որտեղ տարեկան զեկույցը ներկայացնելուց հետո պատասխանում է պատգամավորների հարցերին:

Ինչպես նշել է Իրակլի Ղարիբաշվիլին, նա բազմիցս լսել է իր գործընկերներից, որ ընդդիմության այս գործողությունը վնասում է միայն երկրի իմիջին:

«Այսքան սպասումներից հետո մենք տեսանք, որ բացարձակապես ոչ մի փաստարկ չի ներկայացվել այս մարդկանց կողմից, բացառությամբ բացարձակապես անհիմն մեղադրանքների ու զրպարտությունների: Լավ է, որ դուք վերջապես նստած եք այստեղ, ողջունելի է և ապացուցում է, որ այս բոլոր ամիսների ընթացքում դուք գործնականում կաթվածահար վիճակում եք պահել երկիրը», – հայտարարել է Իրակլի Ղարիբաշվիլին: