Նոյեմբերի 24-ին՝ ժամը 21:00-ին, հավաքվելու ենք Հանրապետության հրապարակում, միաժամանակ մեզ կմիանան մարզերից ժամանած մեքենաները, որոնք երթ կկազմակերպեն քաղաքի մասշտաբով՝ Թբիլիսին ևս մեկ անգամ արթնացնելու համար,- այս մասին ասել է «Միասնություն-Ազգային շարժման» առաջնորդներից մեկը՝ Գիորգի Վաշաձեն։

Նա Հերոսների հրապարակում հավաքվածներին ու հանրությանը մանրամասն ներկայացրեց նոյեմբերի 24-25-ի անելիքները։

Բացի այդ, Վաշաձեն կոչ է արել հանրությանը երկուշաբթի օրը արձակուրդ վերցնել և այդ օրը նվիրել Վրաստանին։

«Կետ առ կետ ուզում եմ ձեզ ներկայացնել արեւմտամետ ընդդիմության ընդհանուր հայտարարությունը նոյեմբերի 24-ի եւ 25-ի հետ կապված։ Վաղը՝ նոյեմբերի 24-ին, ժամը 21:00-ին կհանդիպենք Հանրապետության հրապարակում։ Միաժամանակ, մարզերից մեզ կմիանան երթեր։ Հավաքից հետո երթով կշարժվենք դեպի խորհրդարան, որտեղ էլ պատրաստվում ենք մնալ վաղը գիշեր։ Միևնույն ժամանակ, Հանրապետության հրապարակում կհավաքվեն Արևմտյան Վրաստանից եկող մեքենաները, իսկ Ազատության հրապարակում կհավաքվեն Արևելքից եկողները, որից հետո երթ կկազմակերպեն Թբիլիսիով, որպեսզի հերթական անգամ արթնացնենք Թբիլիսին ու բոլորին կոչ կանենք գալ Ռուսթավելի։ Մենք լուսաբացն ենք դիմավորում։ Ինքնահռչակ «Վրացական երազանքին» ուզում ենք հայտարարել, որ եթե վաղը որոշեն հավաքվել, դա ինքնակոչների հավաք է լինելու, դա իրենց կողմից ոչ Վրաստանի, ոչ Սահմանադրության, ոչ էլ խորհրդարանի հետ կապ չունի։

Ուզում եմ բոլոր հայրենասեր վրացիներին խնդրել, խնդրում եմ երկուշաբթին ազատվեք աշխատանքից, հանգստյան օր և նվիրեք այն Վրաստանին, մեր հայրենիքին։ Մենք միշտ ասում ենք, թե ինչ կանի Եվրոպան, Ամերիկան։ Եկել է ժամանակը հարց տալու՝ ինչի ենք մենք պատրաստ, ինչ ենք անելու մեր հայրենիքի համար, ուժը միասնության մեջ է, մենք անպայման հաղթելու ենք»,- ասել է Վաշաձեն։